Pompa & Boato

Samuel Merino é un creador multidisciplinar que na actualidade desenvolve o seu labor arredor dunha poética (escrita e escénica) na que se aprecia a pegada indeleble da súa formación en Filosofía (Universidade de Santiago de Compostela). As súas creacións, de carácter intimista e autorreferencial, poñen o foco na indicibilidade das sensacións que afogan ás persoas pensándose a si mesmas; persoas que reflexionan acerca do lugar que ocupan no mundo e mais tamén do xeito no que este habita os corpos individuais. En 2019 publicou o seu primeiro poemario en español Enésmima Patada con Amor, ao que seguiu, en 2021, Trementina. Guantanamera. Poema nun só acto é o seu primeiro traballo en lingua galega.